InicioPolíticaO PP denuncia as "débedas" de Sánchez con Vigo en materia de...

O PP denuncia as “débedas” de Sánchez con Vigo en materia de infraestruturas

O PP enumerou os proxectos que o Executivo central "atrasou" ou "paralizou", entre eles, o AVE por Cerdedo ou a saída sur no Corredor Atlántico ferroviario.

PUBLICADO O

- Advertisement -

Os candidatos do PP ao Congreso e ao Senado pola provincia de Pontevedra, Diego Gago e Javier Guerra, denunciaron este xoves os “incumprimentos” do goberno de Pedro Sánchez con Vigo, así como a “débeda” que mantén coa cidade en materia de infraestruturas.

Nunha rolda de prensa, o candidato número dous ao Congreso, Diego Gago, enumerou os proxectos que o Executivo central “atrasou” ou “paralizou “”, como o AVE por Cerdedo, a saída sur no Corredor Atlántico ferroviario, a construción dunha nova autovía entre Vigo e O Porriño, a supresión da peaxe en Redondela, a conversión en tramo urbano da AP-9 ao seu paso por Teis ou a mellora do abastecemento.

Gago lamentou que, ante eses “incumprimentos”, o alcalde socialista de Vigo, Abel Caballero, non esixiu ao Goberno central que cumpra os seus compromisos, e prometeu que o PP velará porque a cidade olívica teña as infraestruturas “que merece”.

A ese respecto, lembrou que, no últimos catro meses, os deputados do PP presentaron unhas 200 iniciativas na Cámara, mentres que o balance de actividade das deputadas viguesas do PSOE foi “cero”.

Pola súa banda, o candidato ao Senado e exconselleiro, Javier Guerra, centrou as súas críticas na “errática” política industrial e económica do goberno central socialista, e advertiu de que, para que funcione a economía, “é moi importante a estabilidade e a fiabilidade”, para favorecer os investimentos e implantación de proxectos.

A ese respecto, alertou contra quen “negan o que está por vir”, en alusión a unha inminente crise económica, e criticou que o Goberno de España “non se preocupe” dos problemas de sectores galegos como o naval ou a automoción, algo que, ao seu xuízo, si fai a Xunta.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...