O equipo EVAP de Policía Local de Vigo atendeu en 2018 a 141 vítimas de violencia de xénero

Respecto ás vítimas, o 36 % teñen entre 30 e 39 anos de idade, mentres que o 31 % son mulleres entre 20 e 29 anos.

Policía Local / © Miguel Núñez.

O Equipo de Vixilancia e Apoio Policial (EVAP) da Policía Local de Vigo atendeu, en 2018, a 141 mulleres vítimas de violencia de xénero e, desde que está en funcionamento (2006), prestou asistencia a case 1.500 vítimas. Así o trasladou este xoves en rolda de prensa o alcalde, Abel Caballero, quen sinalou que, nos últimos 12 anos, este EVAP xestionou máis de 3.000 ordes de afastamento.

En 2018, estes axentes da Policía Local protexeron a unha media de 162 vítimas, realizaron 591 oficios xudiciais sobre control e xestionou 26 quebrantamentos. Con respecto ás vítimas, o 36 % teñen entre 30 e 39 anos de idade, mentres que o 31 % son mulleres entre 20 e 29 anos, e un 20 % de entre 40 e 49 anos de idade.