InicioSucesosDetido por tráfico de drogas un veciño de Vigo ao que interviñeron...

Detido por tráfico de drogas un veciño de Vigo ao que interviñeron heroína e Trankimazin

A investigación policial iniciouse tras coñecerse a posible existencia dun 'punto negro' de venda de drogas nas inmediacións da rúa O Grove, no barrio de Coia.

PUBLICADO O

Axentes da Policía Nacional da Comisaría de Vigo detiveron a un veciño da cidade, de 50 anos de idade, como presunto autor dun delito contra a saúde pública, e ao que se lle interviñeron varias papelinas de heroína e medio centenar de pastillas de Trankimazin.

A investigación policial iniciouse tras coñecerse a posible existencia dun ‘punto negro’ de venda de drogas nas inmediacións da rúa O Grove, no barrio de Coia.

As vixilancias permitiron constatar os movementos de toxicómanos, que se citaban cun vendedor en puntos predeterminados, e adoptando medidas de seguridade para evitar ser detectados.

Os axentes interceptaron a ese vendedor na mañá do martes, cando realizaba unha transacción, e procederon á súa detención. Ao cachealo, os policías atopáronlle varias papelinas de heroína, 52 pastillas de Trankimazin e unha importante cantidade de diñeiro en efectivo.

O detido foi trasladado a Comisaría, onde se comprobou que xa ten 11 antecedentes policiais. O arrestado e as dilixencias practicadas foron postos a disposición do xulgado de instrución.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...