O Concello de Vigo denega a licenza de obra para unha casa de apostas na Florida “por razóns técnicas”

A finais de maio, o grupo municipal Marea de Vigo fíxose eco as denuncias dos veciños, e criticou a "inacción" do goberno municipal ante as "obras ilegais" que se estaban acometendo nese local.

Navia contra as casas de apostas / © Miguel Nuñez

A Xerencia de Urbanismo do Concello de Vigo denegou a licenza para acondicionar un local solicitado para a instalación dun salón de xogos e casa de apostas na Avenida da Florida, segundo informou este martes en rolda de prensa o alcalde, Abel Caballero.

Caballero precisou que dita negativa baséase en “razóns técnicas”, xa que a reforma do local non reunía os requisitos técnicos para levar a cabo. Sobre o uso do devandito local, explicou, “foi a Xunta a que dixo que si se podía facer alí un local de apostas”.

A finais de maio, o grupo municipal Marea de Vigo fíxose eco as denuncias dos veciños, e criticou a “inacción” do goberno municipal ante as “obras ilegais” que se estaban acometendo nese local.