O Servizo de Protección da Natureza (Seprona) da Garda Civil investiga a 4 veciños de Vigo, acusadas de tráfico de especies protexidas. Segundo informaron fontes do Instituto Armado, a investigación iniciouse ao detectarse anuncios de venda de especies protexidas en varios portais web. Os vendedores utilizaban identidades falsas para ofrecer a través de Internet a estes animais “sen legalizar, sen coñecer a súa procedencia e sen ningún tipo de control sanitario”.
A Garda Civil conseguiu frustrar varias vendas e recuperar unha guitarra realizada cun caparazón naturalizado de tartaruga moura, dous cabeiros de marfil, un exemplar naturalizado de crocodilo do Nilo, un exemplar naturalizado de tartaruga carey e a serra dun peixe serra.
A venda ilegal deste tipo de fauna atópase regulada pola Convención sobre o Convenio Internacional de Especies Ameazadas de Flora e Fauna Silvestres (CITES), estando prohibida a tenencia por parte de particulares.
