InicioSociedadeO Concello impugna o canon de regulación da Xunta na presa de...

O Concello impugna o canon de regulación da Xunta na presa de Eiras porque quere cobrar “por non facer nada”

Caballero anuncia que esixirá a Feijóo a devolución de todo o que paga Vigo "sen que lle corresponda"

PUBLICADO O

- Advertisement -

O alcalde de Vigo en funcións, Abel Caballero, anunciou este xoves que o Concello olívico presentará unha reclamación económico administrativa ante a Xunta Superior de Facenda para impugnar o cobro do chamado canon de regulación na presa de Eiras, unha taxa que ascende a máis de 654.000 euros anuais, e que o goberno galego pretende cobrar “por facer nada”.

Así o trasladou en rolda de prensa o rexedor e explicou que, cando a Xunta remitiu un escrito reclamando o pago dese canon correspondente ao ano 2014, o Concello interpuxo un recurso de reposición “crendo que era unha equivocación”. Pero o recurso foi desestimado por Augas de Galicia, que alega que a presa de Eiras é de titularidade autonómica.

A ese respecto, o Concello sostén que, aínda que a infraestrutura hidráulica sexa da Xunta, na práctica, a xestión, explotación e mantemento da presa son exercidos polo Concello de Vigo, a través da súa concesionaria Aqualia.

“É disparatado impor un canon sobre algo que á Xunta non lle custa nada”, proclamou Abel Caballero, quen insistiu en que o Goberno galego quere cobrar a Vigo “por facer nada” na presa de Eiras. “E ademais, que o saiban todos, queren que repercutamos o canon aos concellos que se abastecen da presa de Eiras”, engadiu.

Así mesmo, lembrou que o Concello paga un canon de saneamento de 5 millóns ao ano, cando “a Xunta non fai nada en relación ao saneamento nin ao abastecemento” da cidade olívica. “Déixannos sen auga e quérennos cobrar a nosa”, denunciou.

LISTA DE GASTOS IMPROPIOS

Por outra banda, o alcalde anunciou que remitirá “unha listaxe” ao presidente da Xunta, Alberto Núñez Feijóo, de todo o que o goberno galego “cóbralle” ou pretende cobrarlle ao Concello de Vigo “sen que lle corresponda”.

Abel Caballero non fixou unha cantidade exacta, aínda que serán “moito máis” de 8 millóns de euros, e avanzou que esixirá ao goberno autonómico a “devolución” de todo ese diñeiro que sae das arcas municipais para taxas de saneamento e abastecemento, mantemento dun centro de atención a drogodependentes, etc.

Segundo o alcalde, a Xunta utiliza o diñeiro que paga Vigo, “sen que lle corresponda e sen recibir nada”, como “sistema de financiamento de gasto noutros sitios”. “Que nos devolva todo o que nos cobrou historicamente. Isto de que Feijóo veña a Vigo a cobrar para gastalo fóra acabouse”, proclamou.

ÚLTIMAS

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...