InicioSociedadePiden penas que suman 18 anos de cárcere para sete acusados de...

Piden penas que suman 18 anos de cárcere para sete acusados de explotar a traballadores portugueses en Vigo

Traballaban en condicións infrahumanas, sen aloxamento, sen atención sanitaria, e por salarios de 20 a 35 euros semanais.

PUBLICADO O

A Fiscalía pide penas que suman 18 anos de cárcere para sete cidadáns portugueses por explotar a varios compatriotas, aos que tiñan traballando en varios negocios de explotación de madeira en Vigo, sen respectar os seus dereitos laborais, e sen proporcionarlles as mínimas condicións de hixiene e seguridade.

Os acusados, F.S.M., C.A.B., F.M.A., J.J.P.B., M.A.A., M.N.A.A. e E.H.R., serán xulgados este martes na sección quinta da Audiencia Provincial de Pontevedra, con sede en Vigo, como presuntos autores dun delito contra a seguridade e hixiene no traballo, e outro contra os dereitos dos traballadores.

Segundo o escrito de acusación pública, os acusados empregaron a varios traballadores lusos, que estaban en situación de vulnerabilidade e mesmo na indigencia no seu país, e explotábanos con xornadas de traballo de máis de 10 horas, durante seis días á semana, sen vacacións, e cun salario de ewqre 20 e 35 euros á semana.

Os traballadores explotados non dispuñan de ferramentas nin maquinaria adecuada para facer o seu traballo, eran acomodados en caravanas ou camións abandonados, non recibían atención sanitaria nin equipamento de seguridade. Tampouco se lles proporcionou formación, nin se lles deu de alta no Réxime Especial de Traballadores Autónomos e os acusados retíñanlles a súa documentación.

Estes operarios desenvolvían o seu labor ao aire libre, en zonas que carecían de orde e hixiene, polo que se puxo “en grave risco a súa integridade física e saúde”, segundo sostén a Fiscalía que, de feito, apunta que unha das vítimas sufriu a amputación dunha falanxe cando manipulaba unha serra.

PENAS

Por estes feitos, o ministerio público solicita que cada un dos acusados sexa condenado a 2 anos de cárcere por un delito contra a seguridade e hixiene no traballo, e ao pago dunha multa de 1.800 euros.

Ademais, aos procesados F.S.M. e á súa parella C.A.B., acúsaos tamén dun delito contra os dereitos dos traballadores, e pide para cada un deles dous anos cárcere a maiores, e o pago dunha multa de 3.000 euros. Por outra banda, a Fiscalía tamén solicita que se suspenda a actividade das empresas dos acusados por un período de 5 anos.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...