Os pais e nais do colexio público Canicouva de Vigo –en Castrelos– están en pé de guerra contra a dirección do centro, á que acusan de impedirlles o paso para deixar e recoller os seus fillos, tras colocar un valo.
Os afectados denuncian que o valo lles impide non só o acceso, senón tamén onde refuxiarse se chove, por exemplo, e deben agardar polos seus fillos na rúa, nunha zona onde non existen beirarrúas.
É por isto que os pais e nais iniciaron unha recollida de sinaturas, tras impedirlles a dirección acceder ao centro educativo e comunicarllo mediante unha circular.