InicioEconomíaViaxes InterRías incorpora o programa Vigo Pesqueiro á súa oferta para aumentar...

Viaxes InterRías incorpora o programa Vigo Pesqueiro á súa oferta para aumentar as visitas ao porto olívico

PUBLICADO O

A Fundación para a Pesca e o Marisqueo Fundamar e Viaxes InterRías asinaron este luns un convenio de colaboración que pretende multiplicar as visitas turísticas ao Porto de Vigo a través da inclusión do programa Vigo Pesqueiro na oferta de servizos do principal turoperador de grupos e circuítos de España.

O presidente de Fundamar, Javier Touza, e o director de Grandes Contas de Viaxes InterRías, Enrique Lorenzo, foron os encargados de subscribir o documento, co que se impulsará o turismo mariñeiro no Porto de Vigo.

Para iso, Viaxes InterRías comprométese a promover a visita de grupos de turistas para que coñezan de primeira man as instalacións portuarias e as actividades que se desenvolven nelas.

Esta acción, dixo Javier Touza, permitirá “achegar aos viaxeiros a unha industria, aos seus produtos, á historia e ao traballo de moitas persoas que dedican a súa vida ao mar, un traballo duro que estendeu o nome de Vigo e as súas empresas por todo o mundo”.

Pola súa banda, Enrique Lorenzo explicou que este convenio “amplía” o catálogo de servizos do turoperador con “un novo exemplo de turismo experiencial que contribúe tamén á desestacionalización do sector”.

Ademais dunha ruta a pé pola zona vella da cidade olívica, os turistas que contraten esta experiencia visitarán as instalacións portuarias (a lonxa, viveiros de mariscos e un buque pesqueiro). Posteriormente, desprazaranse en autobús ata a Vila Mariñeira de Bouzas, pasando polos estaleiros da emblemática Avenida de Costa e coñecendo o traballo e a industria que neles se desenvolve.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...