Detido un vigués con 55 antecedentes polo roubo dun vehículo

A investigación iniciouse tras a denuncia dun cidadán, que deixara o seu coche aparcado na rúa Romil.

Coche da Policía Nacional.

Axentes da Policía Nacional da Comisaría de Vigo detiveron a un veciño da cidade, de 48 anos de idade, como presunto autor dun delito de roubo con forza cometido no interior dun vehículo.

Segundo informaron fontes policiais, a investigación iniciouse tras a denuncia dun cidadán, que deixara o seu coche aparcado na rúa Romil e que, ao ir recollelo, atopouse con que a porta do acompañante esta desencaixada e o portelo roto. Así mesmo, o home detectou que o interior do coche estaba todo revolto, e que faltaban documentación e algúns efectos que deixara nos asentos traseiros.

Tras a inspección ocular e recollida de probas púidose identificar ao posible autor destes feitos e, segundo avanzaba a investigación, atopáronse máis probas que o vinculaban co roubo. Por iso, foi detido e trasladado a Comisaría, onde se comprobou que conta co 55 antecedentes policiais. O arrestado e as dilixencias practicadas foron postos a disposición do xulgado de garda de Vigo.