Cinco feridos nunha colisión múltiple en Cangas

O choque produciuse sobre as 17,15 horas no punto quilométrico 14,4 da PO-551.

Axentes da Garda Civil de Tráfico © Miguel Nuñez

Cinco persoas resultaron feridas nesta tarde de sábado nun accidente entre tres coches en Cangas (Pontevedra), segundo informa o 112 Galicia.

O choque produciuse sobre as 17,15 horas no punto quilométrico 14,4 da PO-551. Un particular deu a alerta do sinistro, mentres que os cinco feridos foron trasladados a un centro médico.

Foron avisados, entre outros medios, 061, Garda Civil de Tráfico, Policía Local, Protección Civil e o servizo de mantemento de estradas.