InicioPolíticaAbel Caballero: "Enérvame que veñan aquí dicir que A Coruña é máis...

Abel Caballero: “Enérvame que veñan aquí dicir que A Coruña é máis que Vigo en pesca”

O rexedor vigués critica o erro de Pablo Iglesias, pero responsabiliza disto á candidata de Unidas Podemos por Pontevedra, Yolanda Díaz. "Iso dino porque a candidata é da provincia da Coruña", di.

PUBLICADO O

O alcalde de Vigo e presidente da agrupación socialista da cidade, Abel Caballero, volveu a criticar este xoves o “colonialismo político” de Yolanda Díaz, por presentarse como candidata de En Común-Unidas Podemos pola provincia de Pontevedra sendo de Ferrol, e tamén reprochou ao portavoz de Marea de Vigo, Rubén Pérez, que o “asuma”.

En declaracións aos medios, o rexedor socialista referiuse a a visita de Pablo Igresias a Galicia, e ás súas manifestacións sobre a importancia do porto da Coruña en canto a descarga de peixe fresco. “Non ten nin idea, non sabe do que fala. A Coruña descargou 42.000 toneladas, e Vigo descargou 72.000. E se contamos todo o conxunto da pesca, Vigo multiplicou as descargas da Coruña por 16”, afirmou.

No entanto, Abel Caballero non culpou a Igresias desa equivocación, senón que responsabilizou á “candidata” que lle acompañaba, en referencia a Yolanda Díaz. “É o colonialismo político de quen di que o porto máis importante é A Coruña, porque é de alí”, denunciou.

“Isto me enerva, e non o tolero. Iso é o que eu non quero. Que digan que A Coruña é máis que Vigo en pesca, porque a candidata por Pontevedra é de alí“, sentenciou e engadiu: “Mándannola para Pontevedra e para Vigo (a Díaz) porque non tiñan sitio para ela na Coruña e Ferrol”.

Caballero estendeu as críticas a Rubén Pérez e á Marea de Vigo, que “queda calada” ante ese “colonialismo”, “asente e asume a decisión”. Por iso, reiterou que o portavoz deste grupo “está inhabilitado para presentarse ás eleccións municipais”, por “aceptar que lle impoñan unha candidata da Coruña”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...