O PassVigo serve desde este luns para acceder a instalacións deportivas municipais

O cartón PassVigo converteuse "no documento de identidade" dos vigueses e, nun futuro próximo, poderase usar para o transporte público bonificado e para o acceso a instalacións deportivas.

Tarxeta PassVigo, para o transporte metropolitano nesta cidade / Concello de Vigo

O cartón PassVigo serve desde este luns para o acceso a instalacións deportivas municipais e, co tempo, ampliaranse os servizos nos que pode ser utilizada. Así o explicou o alcalde olívico, Abel Caballero, en declaracións aos medios, e confirmou que haberá “un tempo de coexistencia” entre este cartón e o “anterior cartón identificativo”.

O cartón PassVigo converteuse, segundo o rexedor, “no documento de identidade” dos vigueses e, nun futuro próximo, poderase usar, ademais de para o transporte público bonificado e para o acceso a instalacións deportivas, para facer trámites do rexistro ‘en liña’, para solicitar o empadroamento, nas bibliotecas municipais ou para pagar a ‘zona azul’ de aparcadoiro.