Esperan que Vacacións en Paz non sexa unha “necesidade” para os nenos saharauís

O BNG reinvindica a necesidade de que España adopte unha posición "firme" respecto ao conflito armado que provocou o desprazamento de saharauís fóra do seu país.

Concello de Vigo / Páxinas Galegas

A cabeza de lista do Bloque ao Congreso pola provincia de Pontevedra, Carme da Silva, apostou por conseguir que o programa Vacacións en Paz da asociación Solidariedade Galega co Pobo Saharauí (Sogaps), en virtude do que varios nenos desta zona africana pasan o verán en Galicia, sexa unha opción e non “unha necesidade” para os seus beneficiarios.

Tras unha reunión con representantes da asociación celebrada este martes en Vigo, Carme da Silva reivindicou a necesidade de que España adopte unha posición “firme” respecto ao conflito armado que provocou que os cidadáns saharauís víronse a desprazarse a campos de refuxiados da provincia alxerina de Tinduf desde os anos 70.

Así, sinalou que o Estado español non debe “porse de perfil” ante esta situación e asegurou que o BNG defenderá os dereitos deste pobo se obtén representación no Congreso dos Deputados tras as eleccións xerais do próximo 28 de abril.

Así mesmo, o candidato do BNG á Alcaldía de Vigo, Xabier P. Iglesias, denunciou o “cinismo” do Estado español xa que, segundo apuntou, declarou o seu apoio ao pobo saharauí mentres presenta “posicións contraditorias” no seu despregamento diplomático.

Xabier P. Iglesias insistiu tamén na necesidade de que o Concello de Vigo aumente ata o 0,7 por cento do seu orzamento total o investimento destinado a cooperación internacional.