Bosch Vigo, en pé de guerra tralo anuncio dun ERTE que afecta a 600 traballadores

A Confederación Intersindical Galega (CIG) cifrou nun 80 % o seguimento da xornada de paro de 24 horas convocada polo comité de empresa nos centros de traballo de Bosch –‘call center’– na cidade olívica.

Concentración dos traballadores de Bosch en Vigo/ Miguel Núñez

A folga foi convocada para mostrar o rexeitamento do persoal ao expediente de regulación temporal de emprego que aplica a empresa, un ERTE que afecta case 600 operarios na cidade olívica.

Nesta xornada reivindicativa, os traballadores concentráronse nos centros de traballo da Avenida de Madrid e de María de Berdiales, nuns actos nos que participaron representantes políticos de En Común Unidas-Podemos e o BNG.

“Non é un ERTE, é unha estafa”, “Despedimentos para os directivos” ou “Este ERTE, ímolo a parar” foron algunhas das consignas coreadas polos empregados que participaron na protesta.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

A concelleira do PP de Vigo Irene Garrido presenta a súa renuncia para centrarse na súa actividade no Congreso

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O TSXG confirma a sentenza dun xulgado de Vigo que declaraba legal a prórroga do servizo municipal de auga