O PP denuncia que hai “máis de 63.000 vigueses baixo o limiar da pobreza”, e culpa ao Concello e aos colectivos sociais

A concelleira do Grupo Municipal Popular de Vigo Elena González denunciou que máis de 63.000 cidadáns da urbe galega atópanse baixo o limiar da pobreza.

O can e o mellor amigo/ Miguel Nuñez

A concelleira do Grupo Municipal Popular de Vigo Elena González denunciou que máis de 63.000 cidadáns da urbe galega se atopan baixo o limiar da pobreza.

Nesta liña, nunha rolda de prensa celebrada este venres na cidade olívica, criticou o abandono de parte dos colectivos sociais da cidade aos que, segundo apuntou, o Concello destina menos de 50.000 euros a través de 39 asociacións e entidades sen ánimo de lucro. Así, reprobou que non exista un plan municipal relativo a este ámbito.

Ademais, a concelleira do PP lamentou que “11 persoas ao día” non consigan praza no albergue municipal e se vean obrigadas a acampar en Praza do Rei. Neste sentido, asegurou que, no que vai de ano, foron 727 persoas as que non puideron acceder a estas instalacións.

Deste xeito, acusou ao alcalde de Vigo, Abel Caballero, de odiar ás persoas que acampan na praza do Concello “esperando a ser recibidos para falar dese albergue que tanto necesitan” desde hai dous anos.