InicioMedio Ambiente e PatrimonioO Seprona libera máis de 50 aves silvestres ilegalmente capturadas en Redondela

O Seprona libera máis de 50 aves silvestres ilegalmente capturadas en Redondela

PUBLICADO O

- Advertisement -

A Garda Civil liberou unha partida de aves silvestres que foran ilegalmente capturadas por un veciño de Redondela (Pontevedra), investigado penalmente por un presunto delito contra a protección da fauna e a flora.

As investigacións realizadas pola Patrulla do Seprona de Vigo culminaron este martes coa incautación de preto de medio cento de distintas especies de aves silvestres en poder dun veciño do municipio, que supostamente as capturou ilegalmente utilizando métodos non selectivos para a caza.

Durante o transcurso da inspección que se realizou nun terreo contiguo á vivenda desta persoa, o Seprona incautouse de catro gaiolas trampa nas que colocaba un xílgaro como reclamo para atraer ás outras. Ademais, interviñéronse 28 exemplares de xilgaro europeos ou cardelina, oito tórtolas europeas e cinco verderóns.

As tórtolas foron postas inmediatamente en liberdade nunha zona próxima á mesma leira onde estaban en catividade. Pola súa banda, os xílgaros e verderóns foron postos en liberdade cunha solta que se realizou noutro lugar próximo, provisto de matogueira e arboledo, máis adecuado ao hábitat natural destas dúas especies.

As dilixencias instruídas por un presunto delito contra a protección da fauna e a flora silvestres serán entregadas no Xulgado de Instrución de garda de Redondela, onde deberá comparecer o presunto responsable cando sexa citado.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...