InicioSociedadeNovas ausencias na comisión de investigación do Marisquiño

Novas ausencias na comisión de investigación do Marisquiño

O secretario municipal, José Riesgo Boluda, non compareceu no Parlamento. Tampouco o fixo a presidenta de Portos do Estado. O Concello pide que se aclare se é obrigatorio declarar nesta comisión baixo o risco de ser sancionados

PUBLICADO O

O secretario municipal de Vigo, José Riesgo Boluda, comunicou ao Parlamento Galego a súa intención de non comparecer este xoves na Comisión de Investigación sobre o accidente do Marisquiño, co que dá plantón por segunda vez a este órgano.

Riesgo Boluda xa fora citado a comparecer nesta Comisión o pasado 5 de febreiro, unha ocasión na que tampouco acudiu, a pesar de que a súa decisión podería suporlle unha suspensión de emprego de entre 6 e 24 meses por non colaborar coas pescudas parlamentarias.

Coa intención de “darlle a posibilidade de retractarse” desta decisión, segundo dixo este xoves a presidenta da Comisión durante a sesión, José Riesgo foi requirido nunha segunda ocasión para comparecer esta tarde. No entanto, remitiu unha comunicación ao Parlamento “persistindo na súa negativa”.

Con iso, a Cámara considera que a “vontade de non atender aos requirimentos do Parlamento” por parte do secretario municipal de Vigo “é clara” e remitiu os feitos aos servizos xurídicos para que se determinen as “medidas a adoptar”.

Riesgo Boluda ampárase para a súa negativa en que o Parlamento galego non é competente para analizar cuestións relacionadas con este accidente, dado que vulneraría a autonomía local. Eeste mesmo argumento foi esgrimido polo alcalde, Abel Caballero, que, no entanto, finalmente si compareceu na Comisión de Investigación, aínda que reiterando a súa oposición á mesma.

Do mesmo xeito, tamén a presidenta de Portos do Estado non acudiu á súa cita coa Comisión de Investigación -unha decisión da que informou con menos dunha hora de antelación-, alegando que, segundo a Avogacía do Estado, non estaría obrigada a facelo.

O Concello de Vigo requiriu ao Consello de Estado que se pronuncie sobre a obrigación ou non do seu persoal comparecer nesta comisión baixo risco de ser sancionados, aínda que aínda non hai un pronunciamento definitivo.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...