InicioSucesosUn vigués estafou miles de euros a través de páxinas web de...

Un vigués estafou miles de euros a través de páxinas web de adultos

Foi condenado po usurpación de identidade, estafa, falsidade documental, furto e reclamación xudicial,

PUBLICADO O

Un home de 40 anos residente en Vigo foi detido como presunto autor de varias estafas realizadas a persoas coas que supostamente contactaba mediante páxinas web de adultos e que suman máis de 30.000 euros.

Os delitos dos que se lle acusa son usurpación de identidade, estafa, falsidade documental, furto e reclamación xudicial, segundo precisou a Policía Nacional nun comunicado.

En concreto, a investigación iniciouse tras unha denuncia presentada por un home respecto ao cargo de distintos gastos no seu cartón realizados sen o seu consentimento. Tras analizar os pagos, os axentes comprobaron que se trataba de compras de produtos electrónicos de marca realizadas en grandes superficies. Tamén se efectuaron retiradas de diñeiro en caixeiros automáticos e nunha empresa de microcréditos persoais.

Así mesmo, a Policía Nacional descubriu unha situación similar, ocorrida a outro veciño de Vigo, na que se rexistraron pagos non autorizados en distintas xoiarías, clínicas de estética, cafetarías e gasolineiras da cidade. Tamén coñeceron un terceiro caso a través do que se informaron de que o causante dos gastos contactaba coas súas vítimas mediante unha páxina web de adultos.

DETENCIÓN

Ademais, o suposto autor dos delitos comprara e matriculara unha motocicleta para os seus desprazamentos e realizara diversas manobras para ocultar a procedencia do diñeiro. Tras atopar en venda uns robots dunha marca coñecida, os axentes puideron pescudar a súa procedencia e deter a última hora deste mércores pola mañá ao vigués que supostamente realizara as estafas.

Unha vez trasladado a Comisaría, comprobouse que contaba con sete antecedentes policiais e que varios deles debíanse a feitos similares. Ademais, descubriuse que tiña pendentes dúas ordes de detención e personación emitidas polo Xulgado de Instrución nº 8 de Vigo e o Xulgado do Penal nº 3 de Vigo.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...