InicioSociedadeO BNG vigués pon o foco na problemática da regulación do estacionamento

O BNG vigués pon o foco na problemática da regulación do estacionamento

Os nacionalistas piden información ao Concello acerca da situación do expediente de sanción previsto para a empresa concesionaria da XER. Ademais, piden a dimisión do concelleiro Carlos López Font, tras as súas declaracións triunfalistas na comisión de investigación do Marisquiño

PUBLICADO O

O BNG dirixiu un escrito ao Concello de Vigo para preguntarlle pola situación de tramitación do expediente de sanción anunciado para a concesionaria da Xestión de Estacionamentos Regulado (XER). Pide coñecer cando está previsto “que teña algún tipo de resolución”.

O candidato á Alcaldía da formación nacionalista, Xabier P. Igrexas, criticou que a empresa adxudicataria, Dornier, non renovase “os equipos” necesarios para o desenvolvemento dos labores do persoal que, segundo asegurou, non é suficiente.

Así, afirmou que, en ocasións, os traballadores non poden cubrir “a totalidade das zonas” integradas no servizo. Tamén asegurou que, entre os incumprimentos da empresa, atópase o feito de que non se instalaron torres de carga para vehículos eléctricos. Por esta razón, demandou “explicacións” ao goberno local.

Por outra banda, Xabier P. Igrexas reiterou a súa proposta de creación dunha zona verde para residentes co fin de solucionar os problemas de estacionamento de vehículos que afectan os veciños da cidade, en especial aos da zona do Casco Vello.

Ademais, asegurou que trasladará esta suxestión ao alcalde de Vigo, Abel Caballero, e non ao concelleiro responsable desta área, Carlos López Font. Na súa opinión, as súas declaracións triunfalistas en relación á súa propia comparecencia e a do rexedor na Comisión de Investigación do accidente do Marisquiño inhabilítano para este cargo. Por iso, o líder do BNG local demandou a súa dimisión ou, en caso de non producirse, o seu cesamento.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...