O alcalde de Vigo, Abel Caballero, vinculou a marcha de Ryanair do aeroporto de Peinador co feito de que o goberno olívico non acepta “pulsos” desta aerolínea, e preguntouse se o Concello de Santiago de Compostela “está a ceder” ante os intereses da compañía.
Así o manifestou en rolda de prensa o rexedor olívico, quen lembrou que o goberno vigués “non vai asinar algo que non dá sequera garantías de que vaian a voar desde Vigo”, e proclamou que non dará o seu “brazo a torcer” nin vai malgastar” os recursos da cidade.
Doutra banda, preguntouse, ao trasladarse esas conexións a Lavacolla, se iso “significa que alí (en Santiago) dixéronlles que si”. “Significa que en Santiago están a ceder ao que piden? Seguramente porque o diñeiro público pono a Xunta en pagos encubertos”, denunciou.