InicioEconomíaMarea achaca o abandono de Peinador por Ryanair a que a súa...

Marea achaca o abandono de Peinador por Ryanair a que a súa oferta “non era necesaria” e demanda voos a Londres

Critica á concesión de axudas ás aerolíneas e valora a estratexia do Concello de Santiago de Compostela que aposta por "promocionar as rutas que xa existen" e non por "crear unhas novas".

PUBLICADO O

- Advertisement -

O portavoz municipal de Marea de Vigo, Rubén Pérez, achacou o fin da prestación de servizos da aerolínea Ryanair no aeroporto de Peinador a que os destinos que ofertaba “non eran necesarios” e asegurou que o que a cidade necesita é unha conexión con Londres.

Nesta liña, o edil criticou que os destinos que unía a compañía irlandesa con Vigo “non eran os que necesitaba a cidade”, senón os que, ao seu xuízo, conviñan á empresa, segundo afirmou nunha rolda de prensa que tivo lugar este luns na urbe galega.

Así mesmo, Rubén Pérez, preguntouse cantos turistas procedentes de Milán, Edimburgo e Bolonia –os destinos internacionais que conecta Ryanair coa cidade– visitaron Vigo. Por iso, instou ao goberno local a “reorientar” a oferta, en especial nas datas nas que esta urbe recibe unha maior afluencia, como o mes de decembro.

SUBVENCIÓNS PÚBLICAS

O concelleiro de Marea de Vigo tamén reprobou que as subvencións do Concello e a Deputación de Pontevedra para que a aerolínea irlandesa operase na cidade olívica “non serviron de nada”.

Deste xeito, mostrouse contrario á concesión de axudas ás aerolíneas e valorou a estratexia do Concello de Santiago de Compostela, que, segundo incidiu, aposta por “promocionar as rutas que xa existen” e non por “crear unhas novas”, un plan oposto ao desenvolvido en Vigo.

Neste sentido, denunciou que o concurso público convocado estivese, na súa opinión, deseñado para “ser gañado por Ryanair” e apostou por crear unha conexión con Londres e “tentar restaurar a de París”, que no seu momento era operada por Air France. Ademais, reivindicou a necesidade de elaborar unha estratexia coordinada entre os aeroportos galegos.

ÚLTIMAS

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...

Un accidente na Ponte de Rande provoca retencións na AP-9

Un accidente na ponte de Rande provoca retencións na autoestrada AP-9 en dirección Pontevedra,...

Prohibida a pesca do choco nas rías de Vigo e Pontevedra durante máis de tres meses

O Diario Oficial de Galicia (DOG) publica este xoves as resolucións da Consellería do...

PP e BNG de Vigo acusan que se impediu aos feirantes acdeder ao Concello e o goberno local négao

Os grupos municipais do PP e o BNG criticaron este xoves que se impediu...