InicioPolíticaA Xunta, enfadada con Caballero por non ser convidada á visita do...

A Xunta, enfadada con Caballero por non ser convidada á visita do arquitecto á estación de Urzáiz

O arquitecto Thom Mayne estivo este luns en Vigo.

PUBLICADO O

O delegado territorial da Xunta en Vigo, Ignacio López-Chaves, denunciou que esta institución non foi convidada a acudir á visita realizada este luns por Thom Mayne á estación de ferrocarril de Urzáiz, deseñada por este arquitecto norteamericano, e cualificouno como unha “falta de respecto institucional” por parte da organización, que non identificou.

López-Chaves mostrou a súa “sorpresa” ante esta situación debido a que a construción do Centro Vialia é posible grazas a que “a Xunta o desbloqueou e fixo posible que se puidese licitar”, segundo reivindicou nunha rolda de prensa este martes na cidade olívica.

Nesta liña, incidiu en que, nun principio, “era imposible facer (ese proxecto) co plan xeral de ordenación municipal (PXOM)vixente” na cidade e resaltou que foi a Lei de medidas en materia proxectos públicos de emerxencia ou de especial importancia a que o “posibilitou”.

En concreto, durante o acto, Thom Mayne estivo acompañado polo alcalde, Abel Caballero; a presidenta da Deputación de Pontevedra, Carmela Silva; o delegado de Zona Franca, David Regades; e outras autoridades. Alí, o arquitecto asegurou que a nova estación construirase a partir do seu deseño no prazo de execución de dous anos e medio (30 meses) establecido.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...