Dous evacuados a Povisa tras un incendio durante as obras de reparación dun edificio

Un incendio que tivo lugar este mércores en Vigo provocou o traslado de dous veciños ao Hospital Povisa por inhalación de fume, así como a evacuación do xerente dunha empresa de mantemento que operaba no inmoble.

Povisa/ Miguel Núñez

Un incendio que tivo lugar este mércores en Vigo provocou o traslado de dous veciños ao Hospital Povisa por inhalación de fume, así como a evacuación do xerente dunha empresa de mantemento que operaba no inmoble.

Tras ser contactada pola Central de Información e Mando este mércores ao redor das 15,40 horas, unha patrulla de axentes da Policía Local desprazouse á Vía Norte, onde comprobou que saía abundante fume do interior do portal dun edificio.

No lugar dos feitos atopábanse un operario e o xerente dunha empresa de mantemento de caldeiras. Ambos detallaron que, durante a realización dunhas obras de reparación, unha faísca procedente do seu radial alcanzou un recubrimento de poliuretano, que acabou ardendo.

Tras a extinción do lume, os bombeiros explicaron aos axentes a posibilidade de que, efectivamente, as obras de reparación puidesen ser a causa do lume, que provocou danos leves no cuarto de caldeira do edificio.