InicioEconomíaO Porto de Vigo anuncia unha "política máis agresiva" para captar máis...

O Porto de Vigo anuncia unha “política máis agresiva” para captar máis cruceiros

Pehou o ano 2018 cun incremento do 4,2 por cento nos seus tráficos, pero cunha diminución do 4% do tráfico de cruceiros.

PUBLICADO O

O Porto de Vigo pechou o ano 2018 cun incremento do 4,2 por cento nos seus tráficos, e cun volume total que chegou a 4,3 millóns de toneladas. Así o trasladou en rolda de prensa o presidente da Autoridade Portuaria, Enrique López Veiga, quen explicou que as mercancías con números positivos máis reseñables foron os metais (+53,65%), os produtos químicos (+28,15%), os alimentos (20,25%) e o granito bruto (11,64%).

Por contra, sufriron descensos os tráficos de automóbiles (-4,75%), o granito elaborado (-11,19%), a lousa (-12,32%) ou a pesca conxelada (-4,42%). Con respecto á pesca fresca, 2018 pechou tamén con resultado negativo, cun descenso do 12,34%, vinculado, segundo López Veiga, ao menor volume de cotas da flota.

O tráfico de colectores, por outra banda, creceu un exiguo 0,32% (en canto ao número TEUs que se moveron na terminal viguesa); mentres que o tráfico de cruceiros, en número de escalas, descendeu un 4% por cento con respecto a 2017, aínda que creceu un 13 por cento o número de visitantes (pasaxeiros e tripulantes).

A este respecto, Enrique López Veiga avanzou que o Porto de Vigo acometerá unha política comercial “máis agresiva” para mellorar as súas cifras de tráfico de cruceiros, e apostou por “traballar con turismo de Galicia e co Concello” para aumentar o atractivo do porto olívico como destino. Finalmente, a conta de resultados do Porto presentou un incremento do 19,6% na cifra de negocio con respecto ao ano anterior, cun resultado de explotación de case 3 millóns de euros.

CORREDOR ATLÁNTICO

López Veiga tamén advertiu este venres da necesidade de que haxa un “investimento forte” no Corredor Atlántico, xa que non se pode “deixar atrás” a Galicia e aos portos galegos, e “é algo que todo o mundo reclama”. Subliñou que a terminal viguesa ten unha boa situación contable e capacidade de investimento, pero moitas das infraestruturas necesitan, para o seu desenvolvemento, a actuación da administración central.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...