O remolcador de altura ‘Mahón’ fai escala no Porto de Vigo, onde poderá ser visitado este sábado

Remolcador da Armada "Mahón" / armada.es

O remolcador de altura ‘Mahón’, que realiza labores de vixilancia e seguridade marítima en augas da costa noroeste peninsular, ten previsto realizar unha escala no Porto de Vigo, do 25 ao 27 de xaneiro, e poderá ser visitado este sábado.

Segundo informa o Ministerio de Defensa, o buque, que conta cunha dotación de 32 persoas, permanece actualmente integrado na estrutura operativa das Forzas Armadas, no marco das operacións permanentes que realizan as unidades militares.

Durante a súa estancia no Porto de Vigo, o buque abrirá as súas portas ao público neste sábado, día 26 de xaneiro, de 10,00 a 13,00 e de 15,30 a 18,00 horas. O ‘Mahón’, antigo ‘Circus’, é o quinto dunha serie de buques de apoio a plataformas petrolíferas, construídos en 1977 nos Estaleiros do Atlántico en Santander, detallou Defensa.

O 1 de xullo de 1981 foi entregado á Armada Española, pasando a formar parte da Lista Oficial de Buques da Armada, sendo rebautizado como remolcador de altura ‘Mahón’. Ten a súa base no Arsenal Militar de Ferrol.

CARACTERÍSTICAS

A remolcador conta cunha eslora de 41 metros, unha manga de 11,50 metros e un desprazamento de 1.540 toneladas. A principal misión deste buque é estar preparado para proporcionar remolque aos buques da Armada, indicou o Ministerio.

Así mesmo, subliña Defensa, o ‘Mahón’ realiza “unha reseñable diversidade de labores onde destacan os labores de Vixilancia e Seguridade Marítima (VSM)”, no marco do que proporciona “presenza naval e control dos espazos de soberanía e interese nacional, para contribuír a garantir a seguridade dos espazos marítimos da área do Atlántico (NW peninsular) e en augas do Mar Cantábrico”, engade.

Tamén o ‘Mahón’ actúa habitualmente como colaborador con buques da Flota en exercicios de tiro de superficie, remolcando o branco BSR-2, así como en exercicios de remolque.