InicioCulturaSondeseu actuará en Vigo para promocionar a candidatura das Illas Cíes Patrimonio...

Sondeseu actuará en Vigo para promocionar a candidatura das Illas Cíes Patrimonio da Humanidade

Será o 2 de febreiro no Auditorio Mar de Vigo.

PUBLICADO O

A orquestra folk SondeSeu ofrecerá un concerto dedicado á promoción das Illas Cíes como Patrimonio da Humanidade o sábado día 2 de febreiro no Auditorio Mar de Vigo.

Nesta actuación, a orquestra folk Sondeseu, que naceu no ano 2001 no antigo departamento de Música Tradicional da Escola de Artes e Oficios, actualmente Escola Municipal de Música Folk e Tradicional de Vigo, presentará o seu quinto disco, ‘Beiralúa’, editado o pasado maio.

Entre os artistas que participarán no concerto no Auditorio Mar de Vigo xunto aos membros da orquestra figuran a galega Rosa Cedrón, a castelá Vanesa Muela, o portugués Luís Peixoto, o asturiano Xuacu Amieva, ademais de Toño Domínguez, o Orfeón Treixadura e o grupo vigués O Fiadeiro.

Ademais dos temas do seu último disco, Sondeseu interpretará algúns temas do seu espectáculo ‘Arraianos’ e unha obra composta por Anxo Pintos para celebrar o inicio da candidatura das Illas Cíes como Patrimonio da Humanidade, ‘San Martiño Suite’.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...