InicioSociedadeO alcalde vigués comproba in situ o colapso das urxencias do Cunqueiro...

O alcalde vigués comproba in situ o colapso das urxencias do Cunqueiro e a “calamidade das instalacións”

"Padiolas polos corredores e nas salas de espera. Non había cadeiras para mover aos pacientes de urxencias e os acompañantes de pacientes non tiñan unha cadeira na que sentar", denuncia.

PUBLICADO O

O alcalde de Vigo, Abel Caballero, cualificou de “desastre” o estado do servizo de urxencias do Hospital Álvaro Cunqueiro (HAC) e criticou que o pasado luns estaba “colapsado” a pesar de non haber “ningunha epidemia importante”.

Abel Caballero explicou este martes que acudiu de acompañante ás urxencias do HAC e que puido constatar a “calamidade das instalacións” e o “esforzo” de todo o persoal sanitario.  “Padiolas polos corredores e nas salas de espera. Non había cadeiras para mover aos pacientes de urxencias e os acompañantes de pacientes non tiñan unha cadeira na que sentar”, relatou o rexedor vigués.

Ante a súa experiencia no HAC, Caballero instou ao presidente da Xunta, Alberto Núñez Feijóo, a que acuda a ver en por si a situación. “O señor Feijóo ten que vir a Vigo e explicar isto, porque onte non era un día de pico de gripe. Era un luns de actividade importante pero un luns, sen ningunha epidemia importante”, manifestou o alcalde.

Quero felicitar ao persoal polo seu traballo e dedicación, polo seu esforzo. Pero non é soportable nin tolerable que un hospital de dous anos e medio, ao que a Xunta paga a unha empresa centos e centos de millóns de euros, estea nestas condicións”, incidiu Caballero.

Para rematar, o alcalde sostivo que o presidente da Xunta estivo o pasado luns no HAC “pero non dixo nada”. “Tiña que baixar ás urxencias e ver aquilo. Ver as urxencias do Hospital Álvaro Cunqueiro de Vigo colapsadas”, salientou Caballero.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...