O ‘Si, quero’ de Laura e Pablo no portal da súa casa en Panxón

Laura e Pablo, unha parella de Panxón tiñan previsto o evento para o xoves 30 de abril ás 18:30h pero o confinamento non permitiu a celebración do seu enlace matrimonial.

Unha video conferencia cos 25 amigos que organizaron a sorpresa e o alcalde de Nigrán oficiando de xeito simbólico o acto civil no portal da súa casa. Esa foi a sorpresa ideada polas amizades da parella para que o día non pasase de balde.

A rúa Jesús Espinosa convertiuse en espazo de celebración especial onde non faltou o champán e a tarta nupcial de parte das amizades e unhas flores de parte do Concello.