A Policía portuguesa pide 2.800 euros a un veleiro galego por refuxiarse do temporal no porto de Figueira da Foz

Agora agardan unha reunión para solucionar o acontecido mentres permanecen retenidos.

Temporal no mar / @ Miguel Núñez

Os galegos Javier Montenegro e Iván Arijón permanecen ‘atrapados’ no porto de Figueira da Foz, en Portugal, tras achegarse co seu veleiro no día de onte xoves por precaución, ao mesturarse a emerxencia do temporal, a indisposición de Montenegro e a rotura dunha roda do timón. Agora Portugal esixe o pago dunha multa de miles de euros.

Un dos afectados, o nigranense Iván Arijón, asegura que “cando saímos non había temporal e cando chegamos ao porto non comezara todavía, así que non se comprende a actuación do porto de Figueira da Foz”.

“Nin sequera pensabamos en entrar nese porto ata que se averiou unha das rodas do timón e decidimos entrar por seguridade nosa, a do veleiro e a das persoas que previsiblemente nos terían que rescatar se se averiara a outra roda de timón e nos quedamos sen goberno, así que non fixemos nada malo, tendéronnos unha trampa para recadar”, denuncia.

A Policía marítima, ao chegar este xoves ao porto portugués, informoulles de que debían pagar 1.100 euros de multa se non recurrían, “para olvidarse do tema”, ou de 2.800 no caso de facelo, e se non non lles deixarán saír do país. Agora agardan, coa axuda do consulado, arranxar a situación.

DEIXAR UN COMENTARIO

Please enter your comment!
Please enter your name here