InicioVigo e contornaVigoOs eólicos seguen ameazando a Serra do Galiñeiro 11 anos despois

Os eólicos seguen ameazando a Serra do Galiñeiro 11 anos despois

Unha asociación denuncia un proxecto eólico pendente de tramitación que podería afectar ao monte compartido por cinco concellos,

PUBLICADO O

- Advertisement -

A ameaza eólica planea de novo sobre a Serra do Galiñeiro. A impactante formación, localizada nas proximidade da cidade de Vigo, volve quedar baixo o foco de asociacións veciñais ecoloxistas logo de transcender o proxecto para instalar un parque de aeroxeneradores nos seus montes.

O anuncio dos plans sobre a Serra do Galiñeiro veñen de ser dados por unha asociación homónima que detalla a aparición deste proxecto no Rexistro Eólico de Galicia. Trataríase, de acordo coa plataforma, dun “parque eólico correspondente aos montes de Gondomar e Tui na mesma entrada do Parque Natural Monte Aloia” e que, por riba, aparece na web “co topónimo mal escrito”.

Seguindo a versión das mesmas fontes, o parque trataríase, ata o momento, de pouco máis que un proxecto, xa que segue pendente de admisión. Trataríase, en concreto, de oito aeroxeradores, unha torre de medición e unha subestación. “Catro dos muiños están en Peitieiros na estrema con Morgadáns, e os outros en territorio de Tui próximo ao monte Paraguda”, precisan. Ese sería, precisamente, o topónimo mal rexistrado, que na web do REG aparece como “Paraguada”.

CONNIVENCIA DA ADMINISTRACIÓN

Para a asociación Serra do Galiñeiro, o anuncio recollido polo Rexistro Eólico resulta “un despropósito” logo de once anos “loitando pola ampliación á toda a serra de Galiñeiro do Parque Natural Monte Aloia”, os mesmos que transcorreron dende as primeiras iniciativas para instalar torres aeroxeradoras neste espazo.

Á parte, a asociación denuncia que a administración estea a contar cun papel cómplice coas empresas á hora de “mover muíños de vento de un polígono a outro para confundir á poboación”. Asemade, denuncian que os documentos correspondentes aos parques tan só sexan exposto ao público durante “quince días”. Precisamente, unha das denuncias máis recorrentes da banda ecoloxista no tocante á “avalancha eólica” gardou relación coa redución de tempos orquestrada pola Xunta de Galicia con varias normativas das chamadas “depredadoras”. Por isto e moito máis participarán na macromanifestación prevista en Madrid para o vindeiro sábado 16 de outubro.

ÚLTIMAS

Persoas con discapacidade física, sensorial ou intelectual participarán esta sábado nunha regata inclusiva

Un total de 60 persoas con discapacidade física, sensorial ou intelectual participan este sábado...

Actúan con contunencia contra El Dandy de Barcelona en Vigo: prohibida a súa actuación en Vigo

O Concello de Vigo acordou suspender provisionalmente a actuación do 'tiktoker' coñecido como El Dandy de Barcelona,...

Concentración en Vigo pola aumento de accidentes e ritmos de traballo no naval

Decenas de persoas concentráronse este xoves en Vigo para denunciar o aumento da sinistralidade laboral...

Chaman a manifestarse este sábado en Vigo contra o xenocidio en Gaza

A Plataforma Cívica Vigo Pro-Palestina, integrada por máis de 40 entidades sociais, veciñais, sindicatos e...