Un accidente con tres vehículos implicados no municipio pontevedrés de Gondomar rexistrado a última hora da tarde deste martes saldouse cunha persoa ferida. Segundo informou o 112 Galicia, minutos antes das 20,30 horas deste martes o servizo de emerxencias recibiu o aviso dun sinistro con tres vehículos en Gondomar.

Foi unha das persoas implicadas neste sinistro a que se puxo en contacto co CIAE 112 Galicia para informar do ocorrido e solicitar asistencia médica. Tras iso, os xestores do 112 alertaron a Urxencias Sanitarias de Galicia-061, á Garda Civil de Tráfico e ao GES de Valmiñor. Os axentes de tráfico confirmaron que había tres vehículos implicados e unha persoa ferida.