Recollen firmas acusando a Xunta de seguir “políticas totalitarias” e “impoñer o galego”

A Asociación Hablamos Español recolleu este sábado en Baiona firmas "en defensa da utilización do castelán" en Cataluña, Galicia, País Vasco, a Comunidade Valenciana e Baleares.

"Hablamos Español"/ Miguel Núñez

A Asociación Hablamos Español recolleu este sábado en Baiona firmas “en defensa da utilización do castelán” en Cataluña, Galicia, País Vasco, a Comunidade Valenciana e Baleares.

O seu obxectivo, afirman, é “conseguir que se poida estudar español en todo o noso país, e que as persoas hispano falantes teñamos os mesmos dereitos lingüísticos en calquera Comunidade Autónoma de España”.

Entre as súas demandas, “que os médicos e outros profesionais poidan traballar en calquera sitio de España sen barreiras lingüísticas”, ou que “os organismos oficiais usen ambas linguas“. Acusan polo tanto á Xunta de “deixar de lado” ao castelán.

Piden “que nas comunidades con dúas linguas tamén se use o español na sanidade, edificios oficiais, documentos, información turística e sinais de tráfico”, e que “ser hispano falante non supoña un impedimento para circular ou establecerte en calquera lugar de España”, ou “que poidas rotular o teu negocio na lingua que ti queiras”, algo que, segundo aseguran, non é posible nestes momentos.

No que respecta a Galicia, quéixanse de que “as axudas á creación cultural e a entidades se condicionan ao uso do galego”, “o español está prohibido nas materias con máis texto e maior utilización da linguaxe”, “as actividades extraescolares son en galego”, ou de que “a Xunta, Concellos e Deputacións, así como a Sanidade pública, só usan galego”.

Engaden, ademais: “No Parlamento de Galicia nunca se fala en español”. Entre os seus eslóganes: “Que non ten enganen. Non é amor á lingua, é un negocio. Viven de elo”, “Dicir que un neno que non estuda español sabe máis español que un que non a estuda é un insulto á intelixencia”, ou “É innegable que como mellor aprende un neno é na súa lingua materna”.

Din que o caso de España é “anómalo e aberrante”, posto que “non existe un só país civilizado no mundo no que se lle impida a un alumno recibir toda a súa ensinanza na súa lingua, para obrigalo a recibila nunha lingua que non é a súa e ademais e moitísimo menos falada no mundo”.

Outros dos seus argumentos é que “as linguas non senten, non teñen dereitos nin necesidades, non sofren, carecen de territorios. Os nacionalistas manipulan a linguaxe”.

Mentres, acusan aos poderes públicos de “tomar como reféns” á poboación e “anular o seu dereito de elección”, posto que seguen, segundo Hablamos Español, “políticas totalitarias”.

Para eles, “é absurdo non asumir que a unha persoa que emprega unha lingua moi falada no mundo non lle interesa demasiado ter unha alta competencia nunha lingua pouco falada”, e a existencia de máis dunha lingua nun territorio non constituiría unha riqueza, senón “unha realidade que hai que afrontar: “Que riqueza hai en Camerún con 250 linguas diferentes?”, defenden.

Tamén subliñan a suposta existencia dun “lobbi” de persoas e empresas en busca de “subvencións, postos de traballo, viaxes con gastos pagos e círculos de influencia”. Concretamente, en Galicia acusan a organismos como a Asociación Galega de Editores, Queremos Galego, ou á Asociación de Escritores en Lingua Galega, entre moitos outros.

1 COMENTARIO

  1. Pero como van falar español si ese idioma non existe. Os españois falan castelan de castela, pois os españois non teñen idioma propio.
    Os castelans son xente recia, digna e traballadora e teñen idioma propio como en Euskadi, Catalunya e Galiza.
    Un exemplo sinxelo para que o comprenda esa xentiña asinadora de Baiona, é que en EE.UU, como en España, non teñen idioma propio, e falan o inglés, idioma orixinario do pobo invasor. En España falan o castelan, idioma orixinario do pobo dominante.

DEIXAR UN COMENTARIO

Please enter your comment!
Please enter your name here