O VI Certame de Corais “Vila de Arbo” sáldase coa vitoria do Coro Gaos da Coruña

Certame Galego de Corais/ Concello de Arbo

O Concello de Arbo, en apoio á cultura musical polifónica coral, organizou o VI Certame de corais “Vila de Arbo” que tivo lugar o pasado domingo día 13 de Maio do 2018 en horario de tarde no Auditorio Segundo Gil Davila de Arbo.

Un total de seis foron ás corais participantes do Certame, sendo a gañadora do premio Fecoga á mellor interpretación da obra obrigada “Volta Axina” e do primeiro premio o Coro Gaos de A Coruña.

O público / Concello de Arbo

A Coral Polifonica Baiona A Real acadaba o terceiro premio e o Coro de Cámara de Música Viva (O Carballiño, Ourense) o segundo. Durante o acto tivo lugar a actuación da pianista Andrea González.

O alcalde de Arbo quixo agradecer “a todas as Corais participantes, aos visitantes que se achegaron a Arbo para asistir ao acto, así como a Fecoga, a Fundación Segundo Gil Davila e outras entidades colaboradoras e a Coral Polifonica de Arbo pola axuda prestada e a ilusión que mostraron na realización de este evento”.

DEIXAR UN COMENTARIO

Please enter your comment!
Please enter your name here