InicioVal MiñorBaionaCaballero ve nos servizos sanitarios do Val Miñor unha mostra "das...

Caballero ve nos servizos sanitarios do Val Miñor unha mostra “das consecuencias dos recortes” do goberno do PP

Para o dirixente socialista, os problemas de saturación e falta de persoal evidenciáronse nas listas de espera do verán.

PUBLICADO O

O secretario xeral do PSdeG, Gonzalo Caballero, acusou ao presidente da Xunta, Alberto Núñez Feijóo, de “esconder a saturación” nos servizos de atención primaria do Servizo Galego de Saúde a través do emprego das consultas telefónicas. Caballero pronunciou estas palabras durante a súa visita este venres ao centro de saúde de Nigrán, onde atendeu aos medios acompañado polo rexedor do municipio, Juan González, e os alcaldes dos concellos de Baiona, Carlos Gómez, e Gondomar, Paco Herrera.

Alí, o responsable socialista incidiu en que “non se pode permitir” que se empregue a “telemedicina” para “esconder o fracaso da xestión do PP na sanidade pública”.


Caballero fixo referencia ás declaracións da directora xeral de Planificación e Reforma Sanitaria, Estrella López-Pardo, que na Comisión de Sanidade da Cámara galega recoñeceu que o Sergas non prevé aínda abrir a petición de citas presenciais para os pacientes e que estas continuarán dependendo do facultativo.

Para o socialista, a Xunta emprega as citas telefónicas para “esconder os problemas de saturación, a falta de persoal e as listas de espera” en atención primaria despois dun verán no “evidenciáronse esperas de 26 días” para consultas co médico de cabeceira nalgunhas áreas sanitarias.

Neste sentido, censurou que o conselleiro de Sanidade, Julio García Comesaña, diga que “a Xunta nin ten respostas nin ten propostas”, algo que, segundo Caballero, provoca que exista “un descontento crecente coa sanidade pública” nas comarcas galegas.

SITUACIÓN EN VAL MIÑOR

Como exemplo disto último, o responsable socialista sinalou o que ocorre nos servizos sanitarios da comarca do Val Miñor, que son unha mostra “das consecuencias dos recortes e a falta de aposta pola sanidade pública do goberno do PP”.

“A cidadanía desta área ten máis dificultades e peores prestacións das que lle corresponden”, manifestou Caballero despois de asegurar que os servizos sanitarios no Val Miñor “redúcense” no verán mentres a súa poboación “multiplícase”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...