InicioVal MiñorBaionaO Val Miñor sae á rúa para esixir 'Máis Sanidade Pública'

O Val Miñor sae á rúa para esixir ‘Máis Sanidade Pública’

PUBLICADO O

Plataforma de usuarios da sanidade pública do Val Miñor concentráronse este xoves en A Ramallosa (Nigrán) para reclamar «Máis sanidade pública».

A concentración convocada por usuarios da sanidade pública foi públicamente apoiada polo PSdeG PSOE, Galicia en Común e BNG, PCG, Esquerda Unida e Podemos.

Na concentración o colectivo convocante leu un manifesto diante dunhas 300 persoas concentradas na capela de San Campio.

“Nos último anos, tense sometido á Sanidade Pública en Galicia a un auténtico acoso e derrubo mediante recortes, privatizacións, taxas ridículas de reposición, perda da universalidade, redución das camas hospitalarias, etc. Especialmente, intentouse destruír a Atención Primaria de Saúde, a porta de entrada ao sistema sanitario e o que lle dá sentido e eficiencia aos fluxos de pacientes e inclúe a atención comunitaria.

Recentemente, a pandemia provocada polo coronavirus SARS-Cov 2, ten amosado de xeito dramático estas deficiencias: falla de material esencial en stock, falla de material de protección individual, falla de recursos de urxencias e de UCI para os pacientes máis graves, falla de profesionais… E o que aínda é máis grave: o contaxio e morte masiva dos pacientes máis vulnerables: os usuarios das residencias de maiores pola falla de vontade de protexelos da pandemia a eles e aos traballadores das mesmas.

Ante isto a sociedade en xeral non pode seguir sen amosar o seu rexeitamento aos recortes de servizos e de persoal, á falla de previsión das direccións das áreas sanitarias e da Consellería de sanidade da Xunta de Galicia con competencias exclusivas na asistencia sanitaria, as consecuencias da privatización dos Centros para maiores e de ter convertido a Saúde Pública nun elemento residual do sistema sanitario cando tanta utilidade ten nas patoloxías que van máis alá do individuo.”

A concentración rematou cunha marcha simbólica pola alameda de San Campio gardando as medidas de seguridade entre os presentes.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...