InicioVal MiñorBaionaComezan as expropiacións para eliminar un punto negro da circulación entre Nigrán...

Comezan as expropiacións para eliminar un punto negro da circulación entre Nigrán e Baiona

PUBLICADO O

O Diario Oficial de Galicia (DOG) publicou este venres o inicio o inicio da expropiación de 10 terreos co fin de proceder á mellora dun tramo de concentración de accidentes da PO-552, situada entre os municipios pontevedreses de Nigrán e Baiona.

En concreto, a actuación centrarase en eliminar un punto negro entre a glorieta de conexión coa AG-57 e Sabarís e que se sitúa entre os puntos quilométricos 10+740 e 13+440, tal e como precisou a Consellería de Infraestruturas e Mobilidade nun comunicado. O investimento supera os 400.000 euros, dos que 18.000 corresponden ao pago das expropiacións.

O expediente de información pública e o proxecto construtivo referentes a esta actuación, enmarcada no Plan de Seguridade Viaria 2016-2020, foron publicados o mes pasado no DOG. Deste xeito, actuarase sobre as interseccións do tramo nas que se produce un maior número de accidentes.

Incorporaranse así unha semiglorieta na intersección. Tamén se crearán un carril central de espera e unha semiglorieta na intersección do punto quilométrico 11+500 co camiño Carballal, así como un carril de espera no cruzamento coas rúas Cruceiro e Sarmiento.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...