Tres persoas tiveron que ser trasladadas a centros hospitalarios ao resultar feridas nunha colisión entre outros tantos coches que ocorreu no mediodía deste venres en Mos.
Segundo informa o 112 Galicia, dous dos afectados –unha muller e un home– foron trasladados a Povisa, mentres que a outra persoa foi derivada ao Hospital Álvaro Cunqueiro.
O choque ocorreu no punto quilométrico 12 da A-55 sobre as 14,15 da tarde. A esa hora, varios particulares chamaban á central de emerxencias para alertar do ocorrido.
Seguidamente, os xestores do 112 Galicia solicitaron a intervención de Urxencias Sanitarias-061, da Garda Civil de Tráfico, do GES e do Servizo Municipal de Emerxencias de Mos, e do servizo de mantemento da vía.