Os Bombeiros rescatan un mozo que caeu coa bicicleta por unha pendente de catro metros en Redondela

Ocorreu sobre as 12,15 horas.

Bombeiros / VEICAR.

Os Bombeiros tiveron que rescatar no mediodía deste xoves a un mozo que se precipitou por un desnivel de catro metros mentres circulaba coa súa bicicleta por Redondela.

Segundo a información do 112-Galicia, o suceso ocorreu sobre as 12,15 horas. De inmediato, pasouse aviso ao 061 Galicia, ao Servizo de Emerxencias e Extinción de Incendios de Redondela e á Policía Local.