InicioVigo e contornaO PorriñoDenunciado un camioneiro que circulaba pola A-52 transportando madeira de piñeiro con...

Denunciado un camioneiro que circulaba pola A-52 transportando madeira de piñeiro con risco de caer á vía

Tiña un exceso do 45 por cento da carga autorizada.

PUBLICADO O

A Garda Civil de Tráfico do Porriño interceptou e denunciou o pasado mércores, durante un control de transportes, o condutor dun camión que portaba madeira de piñeiro “cunha carga totalmente escorada e con risco de caída á vía”.

Segundo informa o Instituto Armado, ocorreu no quilómetro 278,500 da autovía A-52, en sentido O Porriño. O condutor era de nacionalidade portuguesa.

Os axentes observaron tamén un exceso de peso no camión, polo que procederon a realizar unha pesada. Arroxou un total de 58.150 quilos a pesar de estar autorizado para unha carga máxima de 40.000 quilos.

En concreto, supón un exceso do 45 por cento na carga que ten autorizada o vehículo, polo que se procede á inmovilización ata que o exceso da mesma poida ser transbordada a outro camión e se estibe correctamente.

Ao ser de nacionalidade estranxeira o condutor, tamén se esixe o abono da sanción correspondente, que é de 4.001 euros polo exceso de carga e outros 200 por tela mal estibada.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...