Intervidos en Mos case 4.500 artigos pirotécnicos ilegais

Estaban almacenados nunha empresa.

Artigos pirotécnicos intervidos pola Garda Civil nunha empresa de Mos (Pontevedra).. GARDA CIVIL

Efectivos do equipo de inspección da Intervención de Armas e Explosivos da Garda Civil da Comandancia de Pontevedra incautáronse de 4.448 unidades de diferentes artigos pirotécnicos nunha empresa en Mos.

Segundo informaron fontes do Instituto Armado, a empresa excedía o límite autorizado deste tipo de artefactos, de categoría F1, polo que a infracción foi comunicada á autoridade competente.

Os artificios pirotécnicos deben ser manexados con precaución, polo que se recomenda sempre adquirilos en puntos de venda autorizados, a provedores de contratastada garantía e conforme á lexislación vixente, lembrou a Garda Civil.

O regulamento en vigor clasifica estes artigos en tres categorías: F1 (artigos de pirotecnia de moi baixo perigo e nivel de ruído insignificante, destinados a ser utilizados en zonas delimitadas, para uso de maiores de 12 anos), F2 (artigos de pirotecnia de baixo perigo e baixo nivel de ruído, destinados a ser utilizados en zonas delimitadas, para o seu uso por maiores de 16 anos) e F3 (artigos de pirotecnia de perigo medio destinados a ser utilizados ao aire libre en zonas de gran superficie e cuxo nivel de ruído non sexa prexudicial para a saúde humana, para o seu uso por maiores de 18 anos).