Os taxistas vigueses secundan a folga en protesta pola “competencia desleal” de Cabify e Uber

Paro taxista en Vigo/Miguel Nuñez

As folgas e cortes de tráfico esténdese estes días por toda España: Madrid, Barcelona, Sevilla, Zaragoza, Bilbao… e tamén Vigo. Os taxistas de Vigo súmanse á folga indefinida que mantén o sector desde a pasada fin de semana.

O seu obxectivo, a chegada dende o Goberno de medidas que limiten o crecemento das empresas de aluguer de vehículos con condutor, como son Cabify ou Uber.

Paro taxista en Vigo/Miguel Nuñez

En canto á cidade viguesa, ás 12 da mañá deste luns comezou a concentración taxista dende o Castro. A folga secundouse e a maioría de paradas estaban baleiras. Os condutores realizaron unha “marcha lenta” ata Praza América. No seu camiño, visitaron ambulatorios por se fora necesario o seu servizo para algunha persoa anciá ou impedida.

Taxistas
Paro taxista en Vigo/Miguel Nuñez

Falando cun taxista, considerou que “o que deberiamos facer (en canto a servizos mínimos) é só recoller xente con problemas de mobilidade ou moito peso, en situación de necesidade, e non cobrar”. Non obstante, estableceuse un número reducido de coches para todo tipo de desprazamentos, polo que a priori o servizo mantense en Vigo.

Taxis
Taxista pon o cartel dos servizos minimos de valde / Miguel Nuñez

O conflito estalou en Barcelona cando a Comisión Nacional dos Mercados e a Competencia recurriu un regulamento de Ada Colau para establecer límites á actividade de Uber e Cabifi, defendendo que non ten competencias para iso e estaría a limitar a libre competencia, polo que afectaría negativamente aos prezos e ao usuario final.

Finalmente, o Tribunal Superior de Justicia de Cataluña suspendeu o devandito regulamento, desencadeándose a folga indefinida no sector do taxi.

Taxistas
Paro taxista en Vigo/ Miguel Nuñez

DEIXAR UN COMENTARIO

Please enter your comment!
Please enter your name here