Denunciada en Vigo por conducir baixo os efectos do alcol un vehículo cunha roda danada

Investigado un condutor por non obedecer os sinais de alto nun control de alcol e drogas e fuxir / GARDA CIVIL

Unha muller de 50 anos domiciliada en Nigrán, R.M.C., foi denunciada por conducir baixo efectos do alcol un vehículo que presentaba unha roda danada. Fontes policiais detallaron que os feitos tiveron lugar sobre as 13,52 horas deste venres, cando os axentes deron o alto a un turismo que circulaba cunha das rodas dianteiras rebentada.

Así, entrevistáronse coa condutora e observaron que presentaba síntomas de consumir bebidas alcohólicas, polo que lle realizaron as probas correspondentes. Os resultados arroxaron taxas positivas de 0,81 e 0,86 miligramos por litro de alcol en aire expirado, o que excedía o límite penal establecido, polo que foi denunciada.

Así mesmo, sobre as 21,53 horas do mesmo día, unha unidade interceptou a un condutor de 32 anos domiciliado en Vigo, M.S.F., na praza de América e comprobou que presentaba síntomas de atoparse baixo efectos do alcol. Por iso, realizáronselle as probas de alcoholemia, cuxos resultados positivos (0,36 e 0,35 mg/l de alcol por aire expirado) non excederon o límite penal establecido.