Un accidente en cadea en Redondela deixa catro feridos

Dous dos sinistrados foron traslados ao hospital.

Hospital Álvaro Cunqueiro de Vigo / Sergas.

Catro persoas resultaron feridas este domingo en Redondela nun choque en cadea na N-550, ao seu paso pola parroquia de Cesantes. No sinistro víronse involucrados varios vehículos Tal e como informou 112 Galicia, o sistema ‘ecall’ do servizo rexistrou unha chamada de alerta ao redor das 10,30 horas da mañá e, ao mesmo tempo, varios particulares contactaron tamén para informar dun choque en cadea.

Os alertantes indicaron que todos os ocupantes estaban fóra dos turismos pero que era necesaria a asistencia sanitaria. Finalmente, do catro feridos, só dous precisaron ser trasladados polos servizos sanitarios, un deles á Clínica Fátima e outro ao Cunqueiro de Vigo. Segundo confirmaron os axentes de Tráfico, non parecían revestir gravidade.

O 112 comunicou o suceso a Urxencias Sanitarias de Galicia-061, á Garda Civil de Tráfico, á Policía Local e aos efectivos da Agrupación de Voluntarios de Protección Civil da localidade, así como, ao persoal do servizo de mantemento da vía.