InicioSucesosTraxedia en Salvaterra: morren unha muller e dous fillos nun accidente

Traxedia en Salvaterra: morren unha muller e dous fillos nun accidente

Os tres viaxaban nun vehículo que colisionou frontalmente con outro.

PUBLICADO O

Un accidente da P0-510 que une os concellos de Salceda de Caselas e Salvaterra deixou tres persoas mortas e un ferido grave. Trátase dunha nai e os seus fillos menores de idade, unha moza de entre 16 e 17 anos e un neno de arredor de 6.

O sinistro tivo lugar na noite deste venres, sobre as 22.00 horas, cando o coche no que circulaba un home, por causas que se descoñecen, chocou frontalmente co vehículo no que ían os tres familiares. O home resultou ferido grave.

O tráxico sinistro tivo lugar no desvío da saída de San Jorge e Parderrubias, xusto antes de chegar a Salceda. Os tres falecidos son veciños de Salvaterra do Miño e o home do Porriño, segundo informan fontes de emerxencias.

Tras o sinistro os equipos de emerxencia tentaron reanimar á muller e os rapaces. Nai e filla quedaron atrapadas no vehículo, mentres que o neno foi atendido por unha enfermeira. Até alí desprazáronse Bombeiros de Baixo Miño, Garda Civil, Emerxencias 112, Policía Local de Salceda e operarios de mantemento de estradas. O viario tivo que ser cortado ao tránsito.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...