Un operario necesitou asistencia sanitaria na mañá deste venres despois de sufrir un accidente cando manexaba unha máquina industrial no concello de Mos.
Segundo informou o 112 Galicia, o accidente tivo lugar sobre as 7,15 horas deste venres Foi unha persoa particular quen contactou para solicitar axuda para un operario que resultara ferido mentres manexaba unha máquina na rúa Anel da Lagoa, no Polígono da Veigadaña.
Tras máis ter constancia do sucedido, o 112 pasou aviso a Urxencias Sanitarias de Galicia-061, aos Bombeiros de Baixo Miño e ao Servizo Municipal de Emerxencias de Mos pero, finalmente, a persoa foi evacuada por particulares a un centro hospitalario. A Garda Civil tamén foi informada.