Axentes da Policía Local de Vigo detiveron a un veciño da cidade de 25 anos de idade ao que lle constaban en vigor catro requisitorias emitidas por xulgados de Vigo pola suposta comisión de ilícitos penais.
Tal e como informou a Policía Local, os feitos ocorreron pouco antes das 18:50 horas deste domingo, cando unha patrulla que realizaba labores de control e prevención no ámbito da seguridade cidadá interceptou a un home na Praza de Fernando o Católico.
Tras consultar os seus datos, os efectivos policiais pescudaron que lle constaba en vigor unha orde de procura e detención polo Xulgado do Penal número 3 de Vigo, así como tres investigacións de domicilio e paradoiro dos xulgados de instrución número 1 e número 2 de Vigo. Por todo iso, procederon á súa detención e posta a disposición xudicial.