Os servizos sanitarios de urxencia tiveron que atender a un home de avanzada idade, que non necesitou ser trasladado a un centro hospitalario, que trataba de apagar o lume que afectou a un galpón da súa propiedade en Tomiño, informou este sábado o 112.
Un particular alertou cara ás 23,30 horas deste venres de que vía chamas no interior dunha leira no lugar de Vilar. Outras persoas que tamén chamaron ao 112 indicaron que escoitaban estouridos e que había xente no interior do recinto, pero non eran quen de contactar con ninguén.
As chamas afectaron a un galpón situado á beira dunha vivenda, cuxo propietario estaba a tratar de apagar o incendio e “víase moi fatigado”, de acordo co 112. Informouse da situación ao servizo de urxencias sanitarias 061, a os bombeiros de Miño, á Garda Civil, a Protección Civil e ao GES da Guarda.
Os bombeiros informaron, tras apagar as chamas, de que ardera o galpón anexo á vivenda con apeiros, un conxelador, unha cociña e outros materiais no seu interior. A estrutura non resultou danada, coa excepción dunha parte do tellado de uralita.
