Un neno resultou ferido na tarde deste venres despois de lanzarse ao mar en Baiona, na praia de Santa Marta.
Segundo informa o 112 Galicia, un particular avisou ás 18,00 horas de que o mozo se tirou de cabeza ao mar e chocara contra o fondo. Foron desprazados medios do 061 ata o areal.
Noutra orde de cousas, unha persoa resultou ferida de consideración esta tarde en Vila de Cruces despois de que o tractor que manexaba envorcase no lugar de Souto. Un helicóptero medicalizado evacuou ao ferido a un centro hospitalario.
