Unha traballadora resultou ferida grave ao quedar atrapado baixo unha máquina hidráulica nunha nave dunha empresa situada no Polígono das Gándaras, no Porriño.

Segundo confirmou o 112 Galicia, a alerta saltou sobre as 14,30 horas, e ata o lugar do accidente desprazáronse efectivos dos bombeiros do Baixo Miño, Policía Local e Garda Civil, así como do 061.

Debido á gravidade do accidente, inicialmente deuse por falecida a traballadora, aínda que os esforzos dos sanitarios do 061 permitiron que recuperase o pulso.

A ferida foi evacuada en estado grave ao Hospital Álvaro Cunqueiro de Vigo.